Dil ki chabhi hai tu maa

Click for YouTube video of this post ♡

Dil ki almari mein, maa ka chehra hai

Maa se hi to hamne, sikha jeena hai

Dil ki Chabhi bhi hai maa…

Maa hi to dil ka chupa khajana hai

Maa khajana hi to hai aur Maa hum sab ke dil ki chabhi bhi hai….maa ke kai kirdar bhi hain,daadi ma..nani ma..mami ma..masi ma..bhua maa..ye sabhi jaane anjane hamari zindagi mein chap chor jaati hain..in sabhi k liye kuch likha ha..dil se padhiyega!

Khus ho jati kabhi to

kabhi daat lagati hamein

Chinta karti hamari..

kabhi pyar karti hamein

Daadi maaa…nani maa

Dil ki chabhi hai tu maa

Farmaishein saari

poori karti hai ye

Khawisho bhi hamari

jaan leti hai ye

Mami maa…mami ma

Dil ki chabhi hai tu maa

Dost hai hamari..

ye shararto ki sathi hai

Hasi hamari hai ye,

hamein jaan se pyari hai

Masi maa.. masi maa

Dil ki chabhi hai tu maa

Fashion tips bhi deti…..

kabhi zindagi ke tips

Gussa hona iska

par maan jana hai fix

Jiji maa..jiji maa

dil ki chabhi hai tu maa

Maa ki hai saheli,

hamari sathi hai

Duaayein deti hum ko ,

ham par pyaar barsatati hai

Tai maa, chachi maa

Dil ki chabhi hai tu maa

Rakhshabandhan tujhse,

mithaiyo se meethi tu

Tu aaye ghar mein chandni,

tyohar saare tu

Bhua maa,bhua maa

Dil ki chabhi hai tu maa

Bhai ke dil ki rani,

Bahurani ghar ki tu

Hamein sehzaadi banati

hamari bhabhi tu

Bhabhi ma..bhabhi maa

Dil ki chabhi hai tu maa

kirdar itne tere ,

ye sab nibhati tu

Zindagi ka khilona

chalana sikhati tu

Pyari maa.. pyari maa

dil ki chabhi hai tu maa

Happy reading readers.

Yours loving warrior

Naina